MƏN AZƏRBAYCANLIYAM!

Ana səhifə

Oyun haqqında

Qaydalar

Qeydiyyat

Qaliblər

Arxiv

"MƏN AZƏRBAYCANLIYAM" - intellektual oyun

"Mən azərbaycanlıyam" intellektual telelayihəsi birbaşa Azərbaycanın tərənnümünə həsr edilmiş ilk milli televiziya oyunudur. Məhz bu xüsusiyyəti ilə o sələflərindən, yəni bu vaxtadək yerli teleməkanda izlədiyimiz analoji teleproqramlardan kifayət qədər fərqlənir.

Layihəni ərsəyə gətirən kollektivin başlıca məqsədi doğma vətənimiz Azərbaycanı daha yaxından tanımaqda və tanıtmaqda yardımçı olmaq və bununla hamımızı fəxrlə "Mən azərbaycanlıyam!" deməyə səsləməkdir.

Təbii ki, qədim tarixi, zəngin mədəni irsi, əlverişli coğrafi şəraiti olan , yeraltı və yerüstü sərvətlərlə zəngin Azərbaycanımızı daha çox sevə bilmək üçün, onu daha çox təbliğ və tərənnüm etməyə dəyər!

Bu üzdən də bizim bilik yarışmasında istifadə edilən bütün suallar, səsləndirilən faktlar bu və ya digər dərəcədə Şanlı Odlar Yurdumuzla əlaqəlidir.

Yaradıcı qrup layihənin ideyasının dəstəklənməsində və ərsəyə gəlməsində zərrə qədər belə xidməti olmuş hər kəsə dərin minnətdarlığını bildirir.

Yeniliklər

Azərbaycan Respublikası Gənclər və İdman Nazirliyinin təşəbbüsü və maliyyə dəstəyi ilə, Rabitə və İnformasiya Texnologiyaları Nazirliyinin təşkilati və texniki dəstəyi ilə , Təhsil Nazirliyinin Təşkilati dəstəyi ilə "MZ Production" və Dövlət Televiziyası tərəfindən hazırlanaraq AZ TV kanalı vasitəsi ilə, hər bazar saat 19.00da yayımlanan "Mən Azərbaycanlıyam" Milli İntellektual Yarışması artıq ikinci mövsümünü də uğurla davam etdirir. Minlərlə gənc oyunda iştirak etmək üçün www.menazerbaycanliyam.az saytında qeydiyyatdan keçir. Hal-hazırda, Rabitə və İnformasiya Texnologiyaları Naziri Əli Abbasovun təşəbbüsü və texniki dəstəyi ilə , oyuna nəinki Bakıdan , dünyanın hər yerindən gənc həmvətənlərimiz qoşula bilir. Mayın 15-də keçirilən oyunda Fransanın Paris şəhərindən Kəmalə Gülməmmədova "Mən Azərbaycanlıyam" yarışmasına qatılaraq final mərhələsinə qədər irəlilədi.

Azərbaycan Respublikasının Prezidenti cənab İlham Əliyev bir qrup ictimai - fəal gənclərlə görüşdü. Görüşdə "Mən Azərbaycanlıyam " Milli Intellektual Yarışmasının birinci mövsümünün qalibi Elvin Abbaslı da iştirak edirdi.

Gənclər və İdman Naziri Azad Rəhimov "Mən Azərbaycanlıyam " Milli İntellektual Yarışmasının birinci mövsümünün qalibi Elvin Abbaslını 1000 manat pul mükafat ilə təltif etdi.

Təhsil Naziri Misir Mərdanov "Mən Azərbaycanlıyam" Milli Intellektual Yarışmasının qaliblərini buraxılış imtahanından azad etdi.

Rabitə və İnformasiya Texnologiyalari Naziri Əli Abbasov "Mən Azərbaycanlıyam" Milli Intellektual Yarışmasının qaliblərinin arasından 3 nəfəri Dövlət hesabına xaricə təhsilini davam etdirməyə göndərəcəyini dedi.

Azərbaycan Televiziya və Radio Verilişləri Qapalı Səhmdar Cəmiyyətinin Sədri Arif Alışanov "Mən Azərbaycanlıyam" Milli Intellektual Yarışmasının qaliblərinə qiymətli hədiyyələr verdi.

Gənclər və İdman Nazirinin müavini İntiqam Babayev İlk 4 yerin qalibini yay tətillərində Türkiyədə təşkil olunan Gənclər düşərgəsinə istirahətə göndəriləcəyini dedi .

Bakı Dövlət Universitetinin rektoru Abel Məhərrəmov "Mən Azərbaycanlıyam" Milli Intellektual Yarışmasının qaliblərinin arasında BQU-nun tələbələri olarsa, onları işlə təmin edəcəyinə və digər bir çox imkanlar yaradacağına söz verdi.